Oaks beach - ganz speziell xi!
Trip Start
Sep 02, 2008
1
61
71
Trip End
Feb 04, 2009
Oaks beach, Queensland, Australia
Wednesday, January 14, 2009
doch wos duenklet het sind di erste freiwillige haelfer und dorfbewohner aztrottle cho. typisch australier hends eus natuerli grad agsproche und eus denn mitgno zu ihrem "ussichtsturm" (was eigentli nur d staege xi isch wo an strand gfuehrt hend.) sie hend eus erchlaert, dass d king tide de strand so entstellt het. d fluet het stei freigleit wo normalerwiis mit sand ueberdeckt sind und duene reiched normalerwiis au fast is meer use und sind noed so abghackt. all das, hends xeit, erschwaert de gang vom meer use id duene go eier legge fuer d'schildkrote enorm. und di tier sind sust scho sehr sensibel: sobald en strand beluechtet isch - sig das nur mit normale strasselaterne, hueser, oder autos wo umefahred - und schatte sich beweged, fluechtet di meiste schildkrote sofort zrugg is meer.
trotz dene schlaechte vorzeiche und em hiwis, dass scho sit mehrene tage kei schildkrot meh cho sig, hemer (langsam fruerend) usgharrt. es chlises highlight isch scho mal xi, wo ei haelferin isch go luege, oeb bim einte naescht scho baby schildkrote gschluepft sind. (waeg de king tide hends all naeschter muesse uf de hoechschti punkt vom strand zuegle und drum bruched di tapsige dinger au hilf zum de waeg is wasser z finde.) und siehe da, eis suesses ding het sich tatsaechlich usem ei use boxt. chum hets s meer xeh, ischs so gschnell wi moeglich inekrabblet.
nach paar stunde warte simer nur no e handvoll luet xi. de mond isch langsam ufgange und mir hend eus schomal muesse mitem 1te kafi waerme (und wachbhalte hehe). doch ploetzli isch de moment da xi; e ladderhead schildkrot het sich an strand spuele lah und wo sie bide duene aglangt und mehreri minute blibe isch hend eus d haelfer s zeiche geh; los! zum ihre d arbet chli abzneh hendsere ghulfe s loch buddle und bald drufab isch plupp! s erste ei usecho.. eis ums ander isch i regelmaessige, churze abstaend is sandloch plumpst. d schildkrote mama isch debi voellig in trance, sodass ihre au eusi aweseheit und s liecht nuet meh usgmacht het. agstraengt het sie immer wieder de chopf glupft und en chline suefzger useglah.
d haelfer hend all eier gschnell wieder us dem unsichere loch usegno und inen plastikchuebel da. wo alli "chind" duss xi sind hend di einte de mama ghulfe s loch wieder zuezmache und di andere sind uf duene klaetteret und hend d eier det wieder vergrabe. das muss au recht gschnell passiere, will nach 2h goend di unfertige schildkroetlis kaputt.
de prozaess vom zuegrabe isch sehr wichtig fuer d mama und dementspraechend hend sie sich viel ziit gno. total erschoepft isch sie denn aber schlussaendlich zrugg is meer gschwumme.
mir hend waehrend de ganze ziit nur fasziniert zuegluegt. di geburt x gseh isch so oepis schoens xi und willmer ebe a dem chline strand xi sind isch di ganz athmosphere sehr intim xi. innerlich hemer eus bide schildkrot bedankt, dass sie mit eus oepis so schoens teilt het.
spoeter hend eus d haelfer verzellt, dass di schildkrot i dere saison jez scho zum 5te mal cho isch go eier legge! sie schiint de service vom haelfe us- und denn wieder zuebuddle z schaetze! :)
