3 taeg tauche vom beste

Trip Start Sep 02, 2008
1
29
71
Trip End Feb 04, 2009


Loading Map
Map your own trip!
Map Options
Show trip route
Hide lines
shadow

Flag of Indonesia  , East Nusa Tenggara,
Thursday, November 13, 2008

nach de misere uf kanawa island hemer dasmal in labuan bajo glueck gah. zimmersuechi isch eifach verloffe und au en serioese tauchshop wo noed nur bla bla verzellt hemer  gschnell gfunde gah. bi bajo divers - em aeltiste abueter in labuan bajo - hemer fuer de noext tag 2 tauchgaeng buecht. (fuer meh hettis eigentli nuem glanget, da euse flug zrugg uf mataram scho en tag spoeter xi waer)
 
gspannt und ufgregt was eus da under wasser erwarte wird, simer am noexte morge a eusi tauchspots tuckeret. mit debi natuerli eusi divemasterin kira (e duetschi wo aber in koh phagnan laebt) und es  schwiizer paaerli i eusem alter, de oli und d noellie.
obwohl di 2 spots als di am wenigste attraktivste gaeltet (will nonig im komodo national park drin), hend mir no nie e sone artevielfalt a eim ort xeh.. fisch, diversi koralle, chlini chraebsli und jenes meh.
total gstoked hemer kurzerhand beschlosse, euse flug umzbueche und - so wie de oli und d noelllie - es 3tages package z loese. das isch erstunlich eifach und guenstig vo statte gange.

************************************************************************************

oke, wi xeit.. mir sind scho am erste tag ufgregt xi. aber huet "ojee" het euses herz erst sprueng gmacht. im komodo national park go tauche..mir hends tatsaechlich gschafft!
 
miteme groessere boot simer a euse ersti spot tuckeret: em batu bolong, was uebersetzt stei loch heisst. de spitz vom fels isch au usem meer usegragt und rundume het d stroemig ihri chreis gmacht. zum ziitpunkt womer inesind isch aber alles no halb so wild xi.
so jez aber: mir sind is wasser.. und ich glaub, da hoert min wortschatz uf. wasmer det une xeh hend isch d supersupersuper lative vo allem wo mir eus jeh hettet moege ertroime x gseh; white tip reefsharks, hocksbill schildkrote, grossi napoleonfish, trevallis, viel sweetlipsfisch.. zwei haie wo am schlafe xi sind.. am schlafe!! friedlich doetglaege und kein wank hends da.
will d stroemig immer staerker worde isch, simer di letste minute hinderem felse gschuetzt vode stroemig hin und her taucht. aber au det hets soviel x gseh und s bestune geh!
nach 3h hemer aber wieder muesse ufe.. doch was isch das? wienen rissende fluss mit viele strudel isch d stroemig noed wiit ewaeg vo eus durezoge.  (stroemig = reuss in bremgarten) d kira hets mit de angscht z tue kriegt und mir sind so gschnell wi moeglich zrugg ufs boot. und sogar das het mueh gah sich dur di stroemig z bahne.
 
mit glaenzende auegli hemer eus verzellt wasmer xeh und erlaebt hend. waehrendesse isch de kaepten scho an noexte spot gfahre: an tarand makasar. au bekannt als manta point.
 
scho ade oberflaechi hemer sie xeh gumpe! nach de schlafende haie hemer jez also au huepfendi mantas choenne beobachte. :) zu dutzende hemers xeh und so simer zueversichtlich unterwasser gange.
doch nuet. mir sind sicher e halbstund umegschwumme ohni eine gsichtet zah. defuer hemer  en wunderschoene und rare bamboo shark xeh.
d hoffnig scho fast ufgeh, het am aend vo eusem dive doch no en manta euse waeg kruezt. doch bim ufstieg ad oberflaechi isch under eus e ganzi manta familie verbigschwumme. es paar minute laenger underwasser und mir waered voll drin xi. naja.
ein tauchgang meh het umgraechnet ca 20 sfr kostet und so hemer euses glueck nomal welle versueche. nume z dritt (mir und kira) simer ufe wiiteri safari underwasser. dasmal hemer 4 mantas xeh und eus total vo ihne verzaubere lah.. au es paar schildkroete sind eus ueber de weg gschwumme, au ihne zuezluege isch immer wieder faszinierend.
 
uebergluecklich aber au uuu mued simer mit vielne gar noed erklaerbare idrueck am fruehne abig id heija gfalle.

*************************************************************************************

am dritte tag hets nomal gheisse frueh uf und di letste zwei tauchgaeng z gnuesse. au da gaebts wieder so viel z verzelle, aber lueged doch bilder a!

ganz sicher sind das 3 unvergaesslich schoeni taeg xi und es het sich meh als glohnt, de waeg nach komodo z bestrite!
  
  

 
Slideshow Report as Spam

Comments

hamie
hamie on

yeeeyjj
yeeyjj.. muess saege.. das alles macht natuerli sehr neugiirig uf foeteli, falls ihr ueberhaupt gmacht haend natuerli :-) ich froimi scho riiisig uf wiiteri Iidrueck vo eu zwei.

Add Comment

Use this image in your site

Copy and paste this html: