Pulau weh - back to the roots

Trip Start Sep 02, 2008
1
9
71
Trip End Feb 04, 2009


Loading Map
Map your own trip!
Map Options
Show trip route
Hide lines
shadow

Flag of Indonesia  , Sumatra,
Saturday, September 27, 2008

uf reisebloggs im internet hemer scho di schoenste bilder vo dere insle xeh, doch vor allem d'unterwasser ufnahme hend eus uf pulau weh glockt. bereits womer mitem taxi vom hafe richtig iboih beach gfahre sind, hemer gwuesst: da simer richtig! chlini, herzigi doerfli, viel gruen und wunderschoeni buechte.. eifach perfekt.

in iboih acho hemer eus ime guenstige strohuettli (zum glueck mit blechdach!) iquartiert. als ersts hemer eusi haengematte (danke nomal rafi!) am balkon befestigt und sind wi zwei schmaetterlingsraupe det ine glaege und hend ufs meer usegluegt. richtig gluecklich und dankbar simer xi, a some schoene ort choenne z verwile!

de ersti tauchgang het natuerli au noed lang uf sich la warte. bi schoenstem waetter simer unter wasser gange. was mer det xeh hend, het euses herz vor freud gumpe lah. all wo "nemo" kenned: genau so isches xi! e farbepracht wiemers eus bis jez gar nonig hend choenne vorstelle und so viel fisch sind um eus umegschwirrt dass eus scho fast truemmlig worde isch!
neu fuer eus isch au di stark stroemig xi.. 3 meer fluessed zaeme uf pulau weh: s indische, d strass vo malakka und s andamane was zt en raechte sog cha geh. de toubi hets durchgehend en riese spass gfunde, d anja het denn ab und zue doch echli meh mueh gah demit. :) aber wo eus d stroemig umen fels gsoge het (au das wi bi nemo..) hemer beid riesigi maenge a glueckshormon usgschuettet.

leider hets scho am tag drufab agfange raegne und bis ufes paar wenigi stunde ufhellig au ide noexte tag nueme ufghoert. d tauchgaeng sind drum nuem so farbefroh xi, aber wenigstens hemer oepis choenne mache. da ramadhan xi isch, het s meiste zue gah und internet hets sowieso noed geh. eusi plaen mitem toeffli zum point zero kilometer vo indonesia zgah und au sust di insle chli go aluege, hend sich i wasser ufgloest. eusi chleider hend nuem trocknet und au di trochnige sind dur d luft fuecht worde. eusi matratze het sich selbststaendig zume wasserbett upgraded, was immer e grossi vorfreud ufs schlafe in eus gweckt het.. trotzdem, zum schnorchle hets glanget und ame verraegnete namittag hemer bim mamas resti 3 superliebi, hilsbereiti luet kenneglernt. de patrick en duetsche, d irene us l.a. und d felicia us singapore, alles ngo's wo in banda fuer verschiedni hilfswerk schaffed. scho nach churzem pleuderle het eus de patrick abote, in aceh i sim huus z uebernachte und felicia het eus wiederum ihres zimmer in singapore offeriert.

au mit de bsitzerin vom resti, de aleyda, hemer e gueti beziehig ufbaut. nachdem mer mal z lang sind go schnorchle und tauchschuel fueres paar stund zue gmacht het, mit all eusne sache drin natuerli, het sie eus guet bewirtet.
sie isch e jungi muetter, verhueratet miteme europaer, e frau wo ganz klar wott usbraeche. sie isch s elteste vo 6 chind, doch da ihre vater 3 ehefraue gah het (eme muslimische ma ischs erlaubt bis zu 4 ehefraue zha, solang er cha garantiere 1. kei konflikt demit uszloese, 2. so e grossi familie ueberhaupt vermag und ganz wichtig, 3. fit gnueg defuer isch) het sie no unzaehligi halbgschwuesteriti.

da mirs so guet mit ihre gah hend, het sie eus am erste tag nachem ramadhan - denn fanget d idul fitri ferie a - mit is dorf gno go hari raya fiire. was glaub nur es synonym fuer aesse cha si hehe. so simer vo familie zu familie go aesse, aesse, aesse. :) vorallem suessi sache werdet offeriert. es isch e herzlichi atmosphere xi und niemerd het bloed gluegt wenn da no 2 uslaender id stube traette sind.. im gegeteil, ueberall simer warm empfange worde. di einte manne hend au im witz gjammeret, dass sites paar jahr vermehrt d fraue im dorf goend go schaffe und d manne dihei blibed und choched.

nach mehrene bsuech und vilne kokosrolle, guetzli und feinem longton gricht (riis vo fuer mehreri stunde chochet wird bises en art teig git und denn wienes plaetzli brate wird) simer wuerkli fast am platze xi und hend bis am abig kei hunger meh verspuert :)

.....
Slideshow Report as Spam

Use this image in your site

Copy and paste this html: