Koh tao

Trip Start Sep 02, 2008
1
2
71
Trip End Feb 04, 2009


Loading Map
Map your own trip!
Map Options
Show trip route
Hide lines
shadow
Where I stayed
bans

Flag of Thailand  ,
Saturday, September 6, 2008

nachäre 10 stündige reis simer total erschöpft aber glücklich in koh tao acho. sobald mer s meer erblickt gahz eim ja irgendwie automatisch guet!
uf de bootsfahrt hemer eus spontan entschlosse uf de insle de padi open water tauchkurs z bsueche. drum isch au nüt xi mit fuul umeligge, jedefalls nöd lang. bereits am erste abig hemer eusi erst theorie stund gah und nach de üebige im pool ischs denn au scho losgange; ab ine anderi wält!
mer xeht zwar dassd d unterwasserwält echli glitte het (anschinend vorallem wägem el nino und natuerli waegem tourismus), doch es isch wunderschön di vile fisch und koralle z beobachte! bis uf de eiget atem ghört mer nöd vil, kei lärm, kei blablabla, nur du und dfisch sozäge. 
wills eus so guet gfalle het hemer nachem open water no de advanced aghaenkt, dh mer vertueft z wuesse womer scho het und cha au elei ("elei" mitem buddy) go tauche. au es nachttauche isch i dem kurs inbegriffe, leider het euse leiter kein guete tag gah und drum ischs nöd so toll worde wi erwartet.
ussertem tauche hemer ehrli xeit noed vil gmacht, hend 2 namitäg es töffli gmietet zum dinsle erkunde und sind viel go schnorchle.
eimal simer höch de hügel duruf zum es paar schöni ussichtsföteli mache, da kunnt per zuefall grad de typ wos grundstück ghört. typisch california guy heter eus i sis - nonig fertige aber grossartige - huus iglade. sogar en musigruum heter gah und so isch de toubi mal wieder zum schlagzüg spile cho!
koh tao isch e herzigi insle, aber leider sehr touristisch. langsam hemer di ängländer wo au z thailand nöd uf ihri baked beans,wuerstli und chips chönnd verzichte,satt gah. ..nach abschluss vom advanced kurs hemer d insle verlah und sind direkt ufs festland.
Slideshow Report as Spam

Comments

-misch-
-misch- on

hey ihr zwei
isch total lässig eui bricht z'läse! und d'föteli sind au dä hammer!
freui mich scho uf die nägschte!!

gnüsseds i volle züüge!

liebi grüessli us dä immer chälter werdende schwiiiz!!

vo dä misch

tobitoo
tobitoo on

hellouu
Hey isch echt cuul ab und zue wieder was vo eu z ghöre.
usser das i gad wieder chli fernweh überchume.
hebeds guet und hebed eu sorg

grüessli vom büechi

Add Comment

Use this image in your site

Copy and paste this html: