Cronulla, then Fogolar again, SYDNEY

• Sgarfefurlans's Profile
• About this blog
• Entry from Liverpool

Trip Start Nov 28, 2007 Previous
Entry Trip End Dec 31, 2007 Next
Entry

  Liverpool, Australia
Monday, December 10, 2007

O voi ju a Cronulla (scuasite une ore di metropolitane dal centri). Mi spiete Vilma Watkins Del Fabbro, originarie di Nimis. So pari (un forestal che al veve lavorat un poc par dute le Europe) al`e rivat a Adelaide tal 27, e podopo al e vignut su in treno a Sydney. Al`a fat al laveplats al Romano`s, un ristorant famos dal Centri.
So pari, in Friul, al veve vut une societat di legnam, ma tal timp dal fascism al are vignut fur un casin cui scioperos dai trenos e al`are lat in faliment. Le Australie e are une soluzion par chist crac finanziari. Cusi al veve scugnut parti.
Dopo un an di Romano`s, al`are lat su tal Queensland a fa al boscador e a lavora tal tabac. Vilma e a scrit un libri titulat "Pukunja, a place far away" che al conte di dutis les aventuris de so famee.....di Nimis, de vecje imprese di so pari che e tajave faiar te forestis di Loque - parsore Gurize-, de bancarote, dal viaz a Sydney e podopo su tal Queensland, de sos amicizis cui aborigjenos, dal so business tal tabac, de esperience dolorose dal internament in timp di vuere, e vien indenant. Cuant che so pari al`e tornat dal cjamp di concentrament, nol are plui chel, al veve piardut le sperance te int e nol "trastave" (dal ingles trust, fidasi) nisun.

Pukunja in lenghe aborigene e ul di propite "un puest lontan". Lasu tal Queensland tai boscs si ere lontan di Cairns (le citadine plui dongje, a 60 kilometros) che a so volte e ere lontane di Sydney che a so volte e ere lontanonone di Nimis. Pukunja e are une "stazion" dal treno che al leve su tai altiplans di Mareeba. Un pizul shelter, cuatri breis, tal miez dal nuje.

Bob Donati al ven a cjoimi a Cronulla e o voi di gnuf a Lansvale, dongje Liverpool, tal vecjo Fogolar, cumo Club Italia. O intervisti Flavia e Elisabeth Sonego, mari e fie.
Flavia e je vignude ju tal 80. Si are insumiade di sposa un emigrat trevisan (un ami di famee che e cognoseve dome di nom), e al sium si e averat. Vignude ju, cognosut chist omp, e trac, amour amour amour.
So fie, Elisabeth, e sune al viulin. E fas part dal comitat FVG NEXT, une clape di zovins furlans che si cjate une volte al mes par mancja e fa fieste, e cun tante voe di confrontasi cule lor identitat misclizade australiane-furlane-taliane.
Last but not least, chei di FVG NEXTe an ancje organizat al concert di Sydney dai ARBE GARBE!

Giovanni Di Francesco al ven di Remanzas. Al fevele un furlan misclizat cul talian, ingles, trevisan, triestin, cun olmis di milanes. Une maravee di lengaz-mesedot che o stoi a scolta cuntune atenzion special. Al samee un volgar fiorentin-padan-furlan e se Dante al fos vif Giovanni al mertares di sigur une citazion tal De Vulgari Eloquentia.
Al e une vore brauros de so dite Bipini, e al`e un tifos sfegatat de Udinese. 
I domandin ce che al pense de Udinese di chist an e lui mi rispuint: 

"Se portin abastansa ben chest an,
sperin che a stan
su tal Europa
anyway".

Al fas un salut ale furlanie al`e maraveos, al samee un toc di sonet di un troubadour furlan dal doimil :

"No ste a dismentiasi de nos
che o sin ju dal altre part del mont,
no se recuerdin despes de lour;
che vegnin a viodis ne nou,
tegnin un cour sentit pa l`Italie".

That`s fantastic!

Mi vegnin tal cjaf blecs di frasis dai albors de lenghis romanzis, dal prin furlan tipo "bielo dumblo di valor", "ces fastu" oben blecs di paleo-talian tipo Se pareba boves,
e ancjemo Sao ke kelle terre.  


Bruno "Mastes" mi torne a parta inte realtat. Le so storie e je strane e imberdeade, mi conte che al`e scjampat par vie de camorre, cualchidun in Italie lu veve minacciat cuant che al`are stat militar. Al a scugnut parfin gambia nom e identitat. Sarae vere?
Mah... beh si sa che tancj e an scugnut parti parvie che erin minaciats.. comuniscj, mafios,  fassiscj, camoriscj, partigjans di ogni sorte. Le storie di Bruno e devi sedi un di chei cas. Oben une realtat virtual?

In ogni interviste che o fas, al rive al moment de commozion. Cualchidun al rive a platale di plui e cualchidun di mancul, ma prin o dopo le vos dal intervistat e tache a trama. No je retoriche, al capite propite cussi.
Lor, i furlans che o stoi intervistant, forsite no lu san che io a moments o soi plui ingropat di lor. 

Liverpool hotels Slideshow Share

Post your own travel photos for friends and family More Pictures

Un vuarbit di sis metros cjatat tal bush

Vilma e al so omp

Previous Entry Next Entry