Vulkane, Lagunen, heisse Quellen
Trip Start
Oct 06, 2010
1
44
73
Trip End
Aug 05, 2011
Putre, Chile
Tuesday, May 3, 2011
Mir hend vo dae Familie Abschied gna, ich im Kinderhort und dae Roli vo sine Studente. Zwei Studentinne sind ihn sogar na an Busbahnhof go verabschiede cho! Ide Familie hends ues gseit, dass mir nie soelled vergesse, dass mir jetzt au e Familie in Bolivie heged und Tuere seged immer offe fuer ues:-)
Unter em Bricht Cochabamba II hend mir na Foeteli vo dae Studente und dae Chind ufeglade und ich han na de Text zu minere Volunteerarbeit ergaenzt. Unter Cochabamba I hets Foeteli vo dae Familie zum aluege.
Ja, mir sind in Bus iegstiege und los isches gange. E wunderschoeni Busfahrt het ues nach Putre im Norde vo Chile bracht. Doet hend mir uesen Guide, dae Enrique troffe und Doris und dae Martin, es Schweizerpaar. Zaeme sind mir uf die 4-taegige Tour dur Nordchile gange.
Am erste Tag ischs in Laucapark gange.Mir hend am Morge en Fuchs gseh und en huufe Vizcachas. Die gsehnd achli us wie Hase, sind aber Verwandti vo dae Chinchillas. Mir hend en chline Spaziergang gmacht, verbi am gruene Bofedal, wo usgseht wie en Teppich aber richtig stachelig isch. D Viscunas ernaehret sich vom Bofedal. Dur dae Teppich isch Wasser gflosse und ueber Nacht het sich Eis bildet, es wunderschoens Bild! Im Hintergrund sind die schneebedeckte Vulkan gstande. Im Dorf Parinacota hend mir e herzigi Kirche usem 16. Jh. bestaunt und d Muetter vom Enrique kenneglernt. Wieter isches gange verbi a Lagune zum Lago Chungare, wo uf 4500m.ue.M. liegt, anscheinend dae hoechstglegne See uf dae Welt! Zum Abschluss vom Tag sind mir i heissi Quelle go bade, ca. 40 Grad heiss:-)
Am noechste Tag sind mir dur s Reserva Nacional Las Vicunas und hend unzaehligi Vicunas us naechster Naechi gseh! Faszinierend, und sie hend au oeppe schoen posiert fuers Foti:-) Die choemed jede Morge vo dae Berggipfel, wos uebernachtet, abe zum Bofedal, wos denn fast dae ganz Tag fressed. Mir hend au viel Lamas und Alpacas gseh, i ganze Herde. Die ghoered im Unterschied zu dae wild lebende Vicunas immer oeppertem und oft sinds mit farbige Baendeli markiert. D Fahrt het ues viel Abwechslig bote, bis mir zum Salar de Surire cho sind. Wow! Dae Salar liegt uf 4250m.ue.M und i sim Wasser hets Flamingos gha. Mir hend die Rueh und Abgschiedeheit do obe richtig gnosse, eimal meh het ues die surrealistische Natur da beeindruckt! Bim Salar hets e natuerliche Schwefeltherme gha, 43 Grad heiss und au da hend mir selbstverstaendlich ine muesse:-) Dae Roli het da e grossi Ueberraschig parat gha fuer mich... D Bilder verratet meh:-)
Mir hend im Refugio bim Salar uebernachtet und hend dae spezielle Ort i volle Zueg und richtig gluecklich choene gnuesse!!! Wunderschoen:-)
Am dritte Tag sind mir in Isluga verbi cho, es Oertli, wo vo dae Luet nur a Feiertaeg bsuecht wird! Alli Familie us dae umliegende Doerfer hend da es Haus fuer die spezielle Taeg.
Am letschte Tag sind mir ploetzlich a ganz verschiedene Naturschoenheite verbi cho. Z erst hend ues d Riesenkaktus fasziniert. Die raged bis 8 Meter hoch in Himmel ufe, Wow! Wieter ischs verbi gange a tuuefe Canyons und Steiformatione, d Berge hend i verschiedene Farbe gluechtet und je tuuefer dass mir cho sind, desto weniger Vegetation hets gha und mir sind dur d Atacamawuesti gfahre! Ufeme Sandhuegel hets e Erdzeichnig (=Geoglyph), dae "Gigante de Atacama". Er isch 800 Jahr vor Christus entstande, aber mer weiss bis huet noed, warum d Mensche damals die Erdzeichnige gmacht hend!
Dae Abschluss isch im Industriemuseum Humberstone gsi. Da isch i grosse Menge Salpetersaeure abbaut worde, alles in strenger Handarbeit. Huberstone isch es Salpeterort gsi, wo die ganze Familie vo dae Arbeiter glebt hend, es het Laede, Maerkt, Kneipe, es Schwimmbad und Theater geh. Verschiedeni Usstelligsraeum zeiget s Werkzeug, Spielware vo dae Chind usw.
Dae Landteil het Bolivie im Salpeterkrieg a Chile verlore, vor 132 Jahre. Fuer Bolivie bis huet en riese Verlust, well sie damals au dae Meerzuegang verlore hend. Chile het Humberstone bids 1960 betriebe, dae Salpeterboom isch laengstens verbi gsi...
Die Tour isch eifach wunderschoen gsi, gspickt mitere grosse Ueberraschig:-) Mir sind froh, hend mir dae Abstecher uf Chile na gmacht!
