Mein Fahrrad - Die Prinzen

Trip Start May 15, 2013
1
21
26
Trip End Jul 26, 2013


Loading Map
Map your own trip!
Map Options
Show trip route
Hide lines
shadow

Flag of United States  , California
Saturday, July 6, 2013

Isches in San Diego kochend heiss oder nid? Jo und nei!
Wenn me echli ins Landesinnere fahrt, so 10 Min. Vodr Küste ewäg wirds grad richtig heiss. D Sunne brätscht obe abe, dr Bode strahlt brötlendi wärmi ab, alles isch staub trocke und es goht kei Wind. Isch me aber andr Küste - und zum ehrlich si.. Was füre Grund gäbts nid andr Küste zsy? - weiht e konstante Wind, am Morge ischs meischtens liecht bewölt will sich überem Meer Wolke bilde und d Temperature sind richtig schön agnehm. S Auto indr Sunne stoh lo isch trotzdem kei gueti Idee.

Nach 6 Wuche hani nüm könne wiederstoh und hamr miesse e Burger ihnezieh. In-and-out burger, isch e southern California Tradition. Die hän s drive through system erfunde und mache ihre Burger sit 60 Joohr genau glich. Me munkled, dass dr Mark Sanchez nume so schlecht spielt bide New York Jets, will er keini In-and-out Burger me kriegt sowit weg vo sim Heimatstate. Ich mues sage dä Burger isch ächt Top. E bessere Burger kriegsch nur z Basel am Birsköpfli vo mim Grill. ;) ich könnt jo mol de Coach vode Jets frooge ob ich de persönlich Burger-Chef vom Sanchez ka werde.. Ich glaub die sind alli so vrzwieflet, dass si sogar no chönnte jo sage.

Am Mäntig bini mr mi Velo go hole. Mini 2 Mitbewohner sind voll die Veloagfrässene und händ mi zum kalifornische CrossCountry Mountainbike Champion gschleppt, dä het mi denn mitme Roadbike und Schueh etc. Usgstattet. Drfür hän mr kurz uf sini 2 Töchtere miesse ufpasse. Die hennd e sau Spass an uns ka und hennd uns innerhalb vo einere Stund völlig fertig gmacht. Am Schluss sin mr abem Trampolin kroche und sind erliechtered gsi, dass mir im Moment no keini Kinder hennd. Obwohl si extrem herzig gsi sind, brüchti das grad nonig 24 Stund am Tag! Drnoch Fitness, Jogge, Jacuzzi, Koche, Bier trinke und go schlofe.

Am Zischtig sin mr den fast 5 Stund go velofahre (und hän währendem 786.5 Eichhörnli gseh) und Zobe an TacoTuesday. Am Mittwuch bini am Morge mit 2 Kollegine vodr Schuel go Volleyball spiele und am Nomitag hani e Magicturnier (Kartespiel) gwunne und drmit e 20.- Gschenkguetschien becho. Zobe simmr mit dr Chevelle zerscht ufe La Jolla Hügel ufe und den nach PB gfahre. Supernatural feeling ohne ende!

Independence Day
Am Donschtig sin mr nomol 4 Stund go bike. (Hän die 2. Hälfti vom 787. Eichhörnli gseh =P) Bi wunderschönem Wätter durch d Wälder vo San Diego, über d Hügel vo Del Mar und durch de Wild Weste vo Southern Kalifornie cruise isch eifach echt öpis speziells! Lueged d Bilder ah und stelled euch die wunderschöne fahrte vor. Am zischtig ischs mir jo chli unheimlich gsi mit worschienlich öpe 80-90 kmh de Berg durab z rase wome grad uf dr andere Site ufegstrampled isch, aber ich ha mi scho dra gwöhnt. Macht e sau spass! Ungwohnt dass ich mini Pedal nid immer mues bewege.. Bi worschienlich scho zu sehr an mi Fixie gwöhnt (oh ich vrmiss di mi blau aagstriches lieblings Velo!)
Zobe simr zerscht go shrimps-spaghetti ässe und drnoch indr San Diego Bay go s Fürwerk luege. S coole isch es sind 5 Fürwerk ufd Küste verteilt und alli zeige die glich Show. Das heisst mir hän in alli Richtige chönne luege und hän s Gliche gseh. Zimli cool gsi. Alli Amerikaner hän scho am 11i am Morge agfange mit trinke und BBQ - und sind drum zimli betrunke gsi gege spötere Obe. Trotzdem eifach überal e gueti Stimmig und niene scherereie.

De Fritig hani denn vor allem mit Wäsche und packe verbrocht. Drzwüsche hani Teniis gluegt (wow, crazy halbfinal!), bi nomol go Jogge zum Abschied und natürlich nomol schnell in Whirlpool, wills so schön isch. Jetzt chunnt d Priefig ächt langsam nöcher. Ha nid wirklich luscht zum die schriebe.. Und i könnt ehrlichgseit au no chli länger in SD bliebe.. aber mini Fründe kömme jetzt übere und ich hohl se noch dr Priefig in LA ab. Denn gohts vo LA nach San Francisco an dr Küste entlang. Drnoch in Yosemite Nationalpark, vlt an Lake Tahoe, durchs Deathvalley nach Las Vegas und zrugg uf SD. Freu mi extrem uf unsere Roadtrip! Das wird e geili Sach, aber ich freu mi au wenn mir wieder uf San Diego zrugg chöme.

Ich ha e wunderbari Zyt ka do in San Diego und wird das mi Läbe nieme vrgässe. Aber ich freu mi au jetzt scho zrugg ufd CH zu miner Familie, im spezielle mine Briedere und all mine Fründe. Zude Berge und de Seee und zum Schnee ;). De negscht Ytrag wird denn noch LA sy, unterwegs in Norde mitem Luke undem Celly.

Byebye San Diego

PS: Merci für all die liebe Glückwünsch fürd Priefig, das wird scho guet go!
Slideshow Report as Spam

Use this image in your site

Copy and paste this html: