Good Riddance

Trip Start May 15, 2013
1
20
26
Trip End Jul 26, 2013


Loading Map
Map your own trip!
Map Options
Show trip route
Hide lines
shadow

Flag of United States  , California
Monday, July 1, 2013

Am Do hämmrs uns so richtig gmietlich gmacht, hennd im Garte grilliert und sind nohär bis am 12i mit Bier und früsche Erdbeeri im Whirlpool chilled. Ufem Heimweg bini anre coole irishe Bar vrbigloffe wo Livemusik gloffe isch.

Joke of the Week: Dr Roman lauft ame Irishpub vorbi.

Am Fritig hani min letschte Schueltag ka. Sehr schön. :)
De Nomitag hani mit Beachvolleyball spiele vrbrocht. Mitm highschool Volleyball Team. Die hän mi schön fertig gmacht.. Kaputt und sandig bini denn no is Wavehouse gone Cider trinke und denn Heime go all mis züg packe. Ha e diskussion ka mit dr Judy ka, dass ich am Samschtig Morge am 8i muess dusse sy. Am Fritig Zobe isch unseri Abschlussparty vodr Schuel. No way dass ich am 7i ufstoh, pack und gang. Also bini scho am Fritig gange und ha die Nacht bi Mitstudentine vrbrocht. Dr Obe isch guet gsi und dr Heimweg für eimol nume 2 Min.
Ufem Heimweg hani no schnell welle s Natelladekabel usm Auto hole - kei gueti Idee. S Natelladekabel hani zwar ka, aber drfür isch nohär mi Rucksack mit Natel und Autoschlüssel im Kofferrum igschlosse gsi.. Naja, us Mangel an Lösigsvorschläg hani mi drzue entschiede zerst mol e Nacht drüber z'schloofe und mi Alkoholpegel zumindest ine Bereich z bringe womes mit Promille beschriebe muess. Vo schloofe ka nid d Red sy, 2 Stund spötr isch die einti Mitbewohnerin ufgstande het agfange packe, kaffi mache und (so hets ämmel tönt) d Kuchi neu plättle..
Glücklicherwies het mir e anderi Mitbewohnerin am Morge (Dank Wiederlangig vo mentale Strukture isch mer e Lösig in Sinn ko: dr Autoverleih het sichr e Ersatzschlüssel) ihres Natel zum alüte und ihres Velo zum abhole usglehnt. Leider isches e alte eigang Beachcruiser gsi - Lenker uf Brusthöhi, Reife so breit wie die vo mim Peugeotli z'Basel und drzue ane quitschend, knatternd und knarrend wie s alte Huus vo Rokidoki.

Am Samschtig Nomitag hätti denn no sötte ins Hostel zügle, das hani denn aber cancelled und bi zum zürcher Velofreak zoge. Do kanni die Wuche gratis ufere Matrazze indr Stube schloofe. Zobe isch Pool, Dart & Ale agseit gsi. Nachere schloofloose Nacht ufe Fritig, eme sehr lange Samschtig (sprich-, und wortwörtlich) und ere kurze Nacht ufe Suntig bini den am Suntigmorge miteme fiese Büsi zum 'Tuurdefrons' luege vrdammt worde.

Spötr simmr den ind TorreyPines go jogge. Wow, unbeschrieblich cooli Wegli, Kürvli, Treppeli in Mitte vo Mannshohe Strücher. Super gsi. Drnoch kurz mitme Bier in Whirlpool und nohär Spanie - Brasilie luege. Zum Znacht hani ändlich wiedermol e Kuchi zur verfiegig ka und ha grad mol mim Gmiesentzug entgegegwirkt. Nieme Judys Gekoche. (@Maro & Äl: Freu mi uf mi Gmiesabo)

Am Suntig Zobe het de Pacific Beach für eimol ohni mi miese usko. TV luege und Blogitrag schriebe isch nämli s Einzig woni denn no gschafft ha..

Guet Nacht liebi Läser
Slideshow Report as Spam

Use this image in your site

Copy and paste this html: