Going to California

Trip Start May 15, 2013
1
19
26
Trip End Jul 26, 2013


Loading Map
Map your own trip!
Map Options
Show trip route
Hide lines
shadow

Flag of United States  , California
Wednesday, June 26, 2013

Okay eig. Wäri das Weekend füre Larp agmolde gsi, aber das hani gstriche. Ha unter anderem am Samschtig and San Diego Fair welle, das isch sone richtige amerikanische Jahrmarkt wiemes us de Film kennt. Es het so unglaublich viel ässenständ gä, das isch nid z'glaube.. Die Amerikaner hennd eifach ein andr Wafle. ;) Am Samschtig Nomitag bini chli mitm Mercedes vom Casey go umefahre. Andr einte Ample bini chli sehr schnell losgfahre.. Man das Teil schiesst los wiene Rakete wenn me s Gaspedal mol richtig abestampft. Naja, d Polizei het mi aghalte isch kurz drvor gsi mr e Buess zgä für reckless driving het den aber gfunde sisch wirklich e coole Wage und het den nomol e Aug zuedruckt. (your killing me, it really is a neat car.. But don't do it again! Your killing me het er öpe 10 mol gseit..) ujujuj nomol glück ka!

Fritig bini go surfe und Zobe ane Homeparty. Die einte Brasilianer mache jedes Weekend e Homeparty und löhn ihres Huus am negschte Tag professionell reinige..
Am Samschtig bini go mini Unterkunft für negscht Wuche bueche, bi jo nur no die Wuche indr Schuel und ka nur binre Hostfamily si wenni ind Schuel gang. Bis zum Independence Day bliebi in PB und abem Independenceday schlofi 2 Nächt Downtown. Zum eine drmit ich nochm Independenceday cha heimelaufe am Donschtig und zum andre dasi am Samschtig Morge zur Priefig cha laufe und sichr nid irgendwo im Verkehr steck. Clever ;)
Beides hani ime Hostel buecht, 30 Franke d'Nacht mit Zmorge und Surfbrett inbegriffe. Drfür teili mi Zimmer mit 11 Nase woni nid kenn, immerhin gmischt =P

Sin die Wuche irgendwie immer indr gliche Bar glandet, am Billiard und Shuffleboard spiele. Me lernt do immer Locals kenne, alli sind mega offe und fründlich. Grossartig. Stress het me nie, das gits do gar nid. Basel isch e richtig gföhrlichi Gegend gege San Diego. Am Suntig bini go Larpe und go Jogge. Dr Rest vom Weekend hani mit Schuelzüg mache und Supernatural luege vrbrocht. Muess au mol sy. Am Mäntig isch de Stanleycup gsi. Chicago het gwunne indem si praktisch indr letschte Minute innerhalb vo 17 Sekunde s 2:2 und s 3:2 gschosse hend. Zimli Crazy gsi!
Am Zischtig isch zwar kei Spiel gsi, usser d Padres wo wieder mol vrlore hennd, aber mir sind trotzdem indr Bar gsi, halt am Spiele ohni TV z luege. Mir hennd de ganz Obe alles gwunne und behaupte das het nüt mit Glück zdue ka, sondern will kei Spiel gloffe isch sin mr weniger (nur vode Barkeeperin) abglenkt gsi.

Am Nomitag hani de Exittest vodr Schuel ka. Fallsi dört gnueg guet gsi bi, was unwarschienlich isch, würde sy mr au e proficency certificate usstelle. Das kani aber niene wirklich bruche wills kei offizielli Priefig sondern halt nur e Schuelpriefig isch.

Cheers
Slideshow Report as Spam

Use this image in your site

Copy and paste this html: