Best BIKE-TOUR ever, Downhill pur
Trip Start
Mar 03, 2007
1
18
59
Trip End
Jun 01, 2007
La Paz, Bolivia
Thursday, April 12, 2007
Bilanz:
- besseri Usruestig als dihei: Down-Hill-Bike mit allne Extras, Universalhelm (wie bim Toeff), Panzer a alllne moegliche Stelle. Zum Glueck han ich die Schuetz noed muesse beaspruche... im Verglich zu anderne.
- Super Landschaft: felsig mit vielne Kaktus bis spaeter in Wald, gigantischi Ussicht uf Schneeberge und uf d Stadt La Paz, wo es ganzes Tal usfeullt.
- D Strecki isch technisch unglaublich schwierig gsi. So wie ich's liebe: steil, eng, kurvig, holprig, gfaehrlich. Adrenalin!
- 1. Run: vo 4000M.u.M. uf ca. 3000., daenn mit em Jeep uf en andere Berg: vo 4500 uf 2900, 3. Run: 3900 dur de Wald und denn quer dur La Paz i de Rush-hour zwueschet allne Auto, Bus und Fuessgaenger dure!
- Sust fahr ich ja jewils mit em Bike au de Berg deruf, was da praktisch unmoeglich isch. Z steil und uf 4000M bin ich scho vo de Abfahrte usser Atem gsi.
- Technischi Problem / Verleztige, uf e Gruppe vo 5 Fahrer und 1 Guide:
- 4 Platte waeg Kaktusnadle.
- D Gruppeleiterin, e verrueckti Kanadierin, haet eus gseit, mir selled ufpasse weg de Kaktus... uf ihrne erste 100m vo dere Tour isch sie in en Dornebusch gheit und haet sich ca. 20 Dorne muesse us em Oberschenkel und Hinter zieh. Kei Angst, mir sind noed go helfe, wo si d Shorts dune gha haet ;-).
- Ich han mir bi eim Jump s Chnue verdreiht bi de Landig. En Verband drum zum Stuetze und e Schmerztablette, daenn ischs wiiter gange. Tuet no weh, wieder mal a de gliche Stell. De linke Fuess tuet weh, weiss aber noed wiso, es paar Chratzer und voellig erschoepft.
- De eint Englaender isch ufd Mittelstange stuerzt. AUUUUUAAA... Und es paar Stund spaeter isch em s gliche namal passiert und (sorry fuer mini Wort) sini Eier haend bluetet waeg ere Schuerfig.
- De eint Schwiizer isch im steilste Stuck abgstuerzt: S Bike isch i de Kurve hange bliebe, er isch ueber en Kaktus dur Gebuesch ca. 8 Meter de Berg derab gheit, 2 Saltos: unverletzt!!! Nur ein Chratzer am Bei. Ud de ganz neue Helm isch verchratzt worde. Abhang: siehe letschts Bild. Zum Glueck ischs noed wiiter obe passiert.
- Uf em Mittelstuck haets afange hagle. Zum Glueck haend mir Helm und Sunnebruelle gha bi Hagelchoerner vo 0.5 bis 1cm.
Wow, es isch en geniale Tag gsi, au waenn ihr jetzt wohl alli de Chopf schuettled!!!
PS: Fuer La Paz kaenner: nei, das isch noed "The Worlds most dangerous Road" uf Coroico gsi.
Comments
hey Roli du spinner!
Roli! chum eifach wieder heil und munter us suedamerika hei! hoffe fuer dich, dass no di eint oder ander tour wirsch choene mache... haet dir ja gfalle, so wies schiint... ;-)
mir gnuessed de fruehlig bi super wetter.
adios muchacho!
gaucho suizo.