Uyuni-Trip
Trip Start
Mar 03, 2007
1
14
59
Trip End
Jun 01, 2007
Uyuni, Bolivia
Saturday, April 7, 2007
Nach 1h simmer im Minibus a de Grenze acho: e Barracke i de Wuesti mit ere Barriere. Mer choent aber au problemlos links oder rechts vo de Barriere dure fahre. Umstiege uf Jeep (Tour-Autos daerfed d Grenze noed ueberschriite!!).
Wiiter zu diverse Lagune, wisses Salz, roti Berge, blaus oder gruens Wasser... je nach dem was fuer Mineralie drin sin. Daenn zu Geyzirfes bi emene aktive Vukan wo wahnsinnig brodlet haet: spannend, viel Rauch und e dreckigi Kamera vo dem Zueg wo dur d Luft gfloge isch.
Bade inere ca. 40Grad heisse Quelle anere wunderschoene Lagune, entspannend, fast chli z heiss. Defuer isch d Nacht umso chaelter gsi... i emene "Hotel" uf ca. 4000M. ohni Heizig i de Wuesti. De Tag du ischs im Pulli grad agnaehm gsi, chli windig. Sunneundergang bi de Laguna Colorada, fantastischi Ussicht, unzaehligi Flamingos und unzaehligi Foeteli.
Sind am 9i is Bett, wils de Stromgenerator und somit s Liecht abgstellt haend und wils chalt gsi isch. Han fast nuet gschlafe, han jedes Ise (Eisen) vom sehr grobe Bettrost gspuehrt, knapp 5cm. Schumstoffmatratze. Vieli Kleider agha und 3 Wulldecke. Brrr... hett geg de Morge uf s WC muesse, aber das waer verusse gsi...
Han e Wasserflaesche im Jeep vergesse am Abig, am Morge isch si gfrohre gsi.
2. Tag:
Langi Fahrt, ah ja, da haets kei Strasse sondern irgendwelchi holprigi Pfad vo de Jeep dur d Wuesti und ueber Berge. Holper, holper, super Uussicht. Wiiteri Lagune, Vulkan, Afang vo de Uyuni Salzwuesti. Bim "Renne" zwueschet 2 Jeeps (Konkurrenz-Gsellschaft) isch a eusem de Reife platzt. Churzi Reparatur und wiiter. Mir uebernachted i emene Hotel, wo us Salzbloeck baut isch. Wow, e lauwarmi Duschi und es bequems warms Bett!
3. und beste Tag vo de Tour:
fahred 1h uf em ustroechnete, schneewisse Salzsee zu de Isla de Pescados. Das ganz isch vor es paar Tusig Jahr no es Meer gsi, jetzt e bis zu 50 oder 60 Meter dicki, absolut flachi Salzschicht. Uf de Insle haet mer no Stukture vo fruehnere Korralle gseh. D Inkas hand Karkus pflanzt. Git es wunderschoens Bild, siehe Fotos. Gem. de Inka-Gschicht, isch das en wichtige Ort vo ihrer Kultur.
Wiiter uf Besichtigung vo emene andere Salzhotel mitte im See. S haet vor ca. 2 Wuche graegnet und dur das haets ca. 15cm. Wasser uf em Salz, wunderschoeni Spiegelig vo de Vulkaen und Wulche i de Ferni. Mit em Jeep voll dure gfahre.
Zum Schluss in Uyuni zum Eisenbahn-Friedhof. Nostalgiker wuerded is schwaerem cho. Restauration aber wohl hoffnigslos, wil immer wieder verrosteti Teil vo de Lokene gstohle wered.
