I'm hooked.

Trip Start May 28, 2012
1
25
26
Trip End Jul 26, 2012


Loading Map
Map your own trip!
Map Options
Show trip route
Hide lines
shadow

Flag of Indonesia  , Sulawesi,
Tuesday, July 17, 2012

Indonesischi Flughäfe sind luunisch. Würklich. Denn meint mer, mer heigh förig Ziit zum bis zu de letschte Minute sInternet im Starbucks chönne zgnüsse, wel mer ja weiss, zu welem Gate mer muen. Usserdem wirds vorem Igang vom Gate nomal überprüeft. Wenn mer denn pünktlich (oder fascht pünktlich ;)) bim Gate warted, aber zur Abflugsziit immer noni chan boarde, dunkt eim das ned mal meh komisch, wel es ja en indonesische Flughafe isch. Wenn mer denn bim Bildschirm gaht go luege, wie de Status vom Flug isch, isch mer au ned verwundered, wenn de Flug gar nüm druffe erschiint. Eus wär au ned in Sinn cho uf d'Durchsagene vom Luutsprächer zlose, well mer das 'Perhatian Perhatian' (Achtung, Achtung) nümme chönd ghöre. Irgendeinisch sind vel Lüüt bi eusem Gate agstande zum boarde. Endlich. Damit mer aber ned hend müesse astah, simmer nochli sitze bliebe und hend die andere Lüüt zersch füreglah. Mer hend ja Ziit. Das hemmer emel gmeint, obwohl euse Flug scho über e Halbstund Verspötig gha hett.
ufem Boot
ufem Boot
Bald merked mer au was denn de Grund fürd Verspötig isch. Genau: Mer. Wo mer is Flugzüg hend welle istiige und sBilett zeiged hend bim Igang hett sich usegstellt, dass mer ines Flugzüg nach Jakarta hend welle istiige anstatt Manado. Mann!! De Bilettkontrolliertyp hett eus druf ufmerksam gmacht, dass mer im falsche Gate sind und dass euses Flugzüg startklar isch. Nur wenn mer renned, hemmer no e Chance es zverwütsche. F**k! Wo ane renne? Mer sind doch im richtige Gate? Ufde Quittig wo sett euses Flugticket darstelle stahts ja au! Aha! SGate hett gwechsled und es isch paar Mal ufgrüeft worde? Zum Glück rennt de Bilettkontrolliertyp mit eus zum richtige Gate. De Flüger isch no da. Phu! Im Flugzüg acho, sind alli Passagier (bis uf zwei) scho agschnallt det gsässe und sind abflugbereit gsi. Da eus alli bös aglueged hend, sind mers schnell schnell au gsi.

Am Flughafe in Manado hett scho en Mitarbeiter vo Two Fish Divers (eusi Unterkunft) uf eus gwarted und eus zu de Insle Bunaken bracht, wo d'Aline uf eus erwarted hett.

Nach emene Briefing über BCDs SPGs und weiss ich wievel Bars (??) hemmer euses Zimmer chönne bezieh und am nächschte Tag ischs scho losgange mit tauche. Da euses Resort no kein Pool hett bzw eine hett aber no kei Wasser igfüllt hett, hemmer grad alli Üebige chönne im Meer mache
Ufem Boot
Ufem Boot
. Sooo geil!! Eusi Instruktorin isch dTina gsi, wo vor chli meh als 10 Jahr au sResort mit ihrem Maa gründed hett.

Bim erschte Tauchgang isch alles sooo neu gsi! Zersch chli Druckusgliich mache und Wasser us de Maske tue üebe und denn simmer scho Hand in Hand go tauche. Es isch wie ufem Mond lauffe (da hani nämli au scho mini Erfahrige ;)). Es hett sich super agfühlt die Schwerelosigkeit. Nachem erschte Tauchgang hend sich mini Zäh so agfühlt als wäreds verschobe. Ich han us Nervosität fasch sMundstückt vom Regulator verbisse :). Mini Maske isch volle Schnuder vom Wasser us de Maske schnufe und ich han de ganz Abig no Ohredruck gha. Trotz all dem isch es um mich gscheh gsi: Ich ha mich is tauche verliebt.

DAline und ich hend nah 4 Täg de Open Water Diver bestande und denn gfunde, dass mer grad s'Advanced ahänked, damit mer anstatt uf 18 Meter uf 30 Meter chönd abetauche.

Eusi Täg sind durum usplaned gsi:
- 06:35 Wecker lüüted
- 06:45 ufstah
- 07:00 Zmorge ässe
- 07:30 Besammlig zum Tauchutensilie parat mache
- 08:00 Bootsabfahrt zum zweimal go tauche
- 12:45 Zruggch vom tauche mit emen Mordshunger
- 13:00 Zmittag
- 14:30 Lerne, Video luege und Üebige löse und denn bespräche
- 16:00 Tauchutensilie wäsche
- 16:30 Logbook usfülle mit Guide
- 17:00 nomal es Video luege und/oder lerne
- 19:00 Znacht

Gits immerno öpper wo mich Schöggeler nännt? :) Wahrschindli scho :) DAline und ich sind jetzt uf jede Fall stolz, dass mer beidi Zertifikat ide Täsche (oder besser gseid im Wetsuit) hend und die letschte zwei Täg vo eusne gmeinsame Ferie hend chönne go tauche wie die 'Grosse' :). Eusi Kürs hend mega Spass gmacht, mer hend sehr vel glached (oberhalb wie au underhalb vom Wasser) so vel dass mer im Resort als 'Orang Gila' (crazy people) bekannt sind. Tauche isch öppis wunderschöns, wo eim dTüre zunere neue no unbekannte Wält öffned, wo mer mit jedem Tauchgang wieder es Stückli meh chan erkundige. Ich ha definitiv noni gnue vom erkundize und freue mich jetzt scho uf mini Tauchgäng vo de Zuekunft.
Slideshow

Comments

Lorena on

ääääähhhhh soooooo geili föteli, ah mann ich wott au weder zu eu cho, meega cooli föteli!!!!!!! ;) ;) Macheds guet!! Adee Aline und Jacoleine ;)

Add Comment

Use this image in your site

Copy and paste this html: