Holà Madrid
Trip Start
Mar 30, 2012
1
3
13
Trip End
May 26, 2012
En Monet in Madrid liit vor mer. Bin mitem Chopf no bim Gschäft und de zuekünftige Schuel, weli Schuel es au immer sii wird :) Dementsprechend packi au min Koffer. Ide letschte Sekunde schnell paar Chleider, Schuelutensilie, Hygieneartikel ii de Koffer rüehre und los gahts. Oder doch ned? Wo isch mis Flugticket? Hani das ned scho uusdruckt? Ich has sicher scho parat gleit zum mitneh. Nei, keis ume. Schnell no uusdrucke wär vo Vorteil :) DMelo warted scho vor de Tür zum mich an Flughafe in Basel zfahre. Untypisch für eus chömed mer überpünktlich und ohni Umweg, Unfall und Loch im Pneu zBasel a. Anderi Tourischte hends mer vorgmacht: Schnell no sGepäck go wöge vorem ufgeh, damit mer no chan umpacke. 28 kg plus Handgepäck, erlaubt sind 20kg, hmm das wird schwer. DMelo ermuetigt mich, es trotzdem zprobiere umzpacke. Nach langem hii und herbiige hemmers anebracht dass de grossi Koffer nur no 20 kg wiegt, de Handgepäckkoffer leider chli schwerer worde isch und chli zuegno hett. Jetzt passt de Siech nümme is Fach im Flugzüg. Trotzdem probiere iizchecke. Die Dame wo mich iicheckt, kontrolliert mis Handgepäck zum Glück ned.
Bi Easyjet gits kei vorreservierti Plätz. Da gilted: de stärchschti Ellboge gwünnt. Als erfahreni Easyjet-Passagierin pack ich scho 30 Minute vor de Boardingziit mini Ellböge uus und stahne a. E Kollegin vo mer hett ebe mal gmeint, dass nur wel sie es 2 uf de Boardingcharte hett, dass sie a de ganze Warteschlange chan verbiilauffe und sich vore chan inezwänge. Bis die andere Ellbögler sie druuf ufmerksam gmacht hend, dass ALLI s2 hend, wo jetzt no astönd. Minere Kollegin (oder bins ich gsi?) isch das denn recht peinlich gsi, isch aber grad zvordescht vore blebe und mitem Speedyboarding igstiege.
Easyjet macht ebe drü Gruppene zum iistiige: SpeedyBoarding (die wo kei Ellböge hend zum sich dureboxe und defür zahled), Familie mit Chind und Gruppe 2.
Jetzt im Flugi bechumi dRächnig für das dassi mis Handgepäck ned abmässe lah han: Es hett kei Platz! Kassiere en Zämeschiss und muess es de quere Wäg inetue :)
Die schön Meli und ehre schön Fründ de Juan-Carlos erwarted mich scho am Flughafe zwei Flugstunde spöter. Mer gönd sAuto go hole und fetzed 430 km nach Granada.
Erschte Idruck: herzig, so vel Pflasterstei, dass mer e Ghirnerschütterig bechunnt bim drüber fahre mitem Auto und alles sehr arabisch aghuucht. Jetzt 5 Std schlafe und denn gahts los ufd Stadtbesichtigung.
Bi Easyjet gits kei vorreservierti Plätz. Da gilted: de stärchschti Ellboge gwünnt. Als erfahreni Easyjet-Passagierin pack ich scho 30 Minute vor de Boardingziit mini Ellböge uus und stahne a. E Kollegin vo mer hett ebe mal gmeint, dass nur wel sie es 2 uf de Boardingcharte hett, dass sie a de ganze Warteschlange chan verbiilauffe und sich vore chan inezwänge. Bis die andere Ellbögler sie druuf ufmerksam gmacht hend, dass ALLI s2 hend, wo jetzt no astönd. Minere Kollegin (oder bins ich gsi?) isch das denn recht peinlich gsi, isch aber grad zvordescht vore blebe und mitem Speedyboarding igstiege.
Easyjet macht ebe drü Gruppene zum iistiige: SpeedyBoarding (die wo kei Ellböge hend zum sich dureboxe und defür zahled), Familie mit Chind und Gruppe 2.
Jetzt im Flugi bechumi dRächnig für das dassi mis Handgepäck ned abmässe lah han: Es hett kei Platz! Kassiere en Zämeschiss und muess es de quere Wäg inetue :)
Die schön Meli und ehre schön Fründ de Juan-Carlos erwarted mich scho am Flughafe zwei Flugstunde spöter. Mer gönd sAuto go hole und fetzed 430 km nach Granada.
Erschte Idruck: herzig, so vel Pflasterstei, dass mer e Ghirnerschütterig bechunnt bim drüber fahre mitem Auto und alles sehr arabisch aghuucht. Jetzt 5 Std schlafe und denn gahts los ufd Stadtbesichtigung.
