Uf em moby dick sine spure

Trip Start Aug 20, 2011
1
9
13
Trip End Sep 12, 2011


Loading Map
Map your own trip!
Map Options
Show trip route
Hide lines
shadow
Where I stayed
uf em schiff
What I did
wahl beobachte

Flag of Iceland  ,
Monday, August 29, 2011

äntli isch de moment cho, wo d'wahlbeobachtig uf em plan gstande isch. island isch
bekannt für s’wale-watching. mer sind vo akkureyri richtig husavik gfahre. in husavik
simmer churz vor em 12i acho. mer händ dänn gfunde mer gönd mal go luege, villicht
hämmer glück und es fahrt grad en kutter ufs meer use. was söll ich säge, ier wüssed
ja, das felix der glückliche heisst oder das ich wie e chatz mit emene gunfibrot uf em
ruge bin wo immer ufd füess gheit, und so isch es gsie. es isch churz druff abe eine
gfahre. yeeeeeeeeeha. mer händ no schnäll en hamburger verdruckt und scho is es
los gange. usefahre duet mer mit emene alte kahn. also wer problem hät mit
seechranked, sött so sache nöd mache. ich han sie nöd, so han ich die fahrt i volle
züge chöne gnüsse. de dani hät gmeint ich seg scho fast en richtige isländer. uf em
schiff häts eine gha wo usghe hät wie de captain ahab (moby dick). er isch de animator
gsie und hät ois ufklärt wie wo was und so. isch en glatte cheib gsie und hät für gueti
luune gsorged de kerli. nachere halbe stund simmer dänn uf em offene meer gsie und
händ de erst minkwal gseh. am afang isch alles sehr schwach gsie und ich bin scho
fast entüscht gsie das mer's nöd so richtig gseh händ springe wie im film. aber es isch
 no vill vill besser cho. irgendwänn hämmer dänn en buckelwal entdeckt und sind dem
nache pilgered. und ets chunnts. de cheib hät luftsprüng gmacht und das nöd nur
eimal. de ahab hät gseit, dass das die best tour gsie seg i dem sommer. ich sägs oi,
ich bin eifach widdr mal mit glück gsägned gsie, au wänn mich s’läbe im letschte jahr
zimmli gschlage hät. dänn die gschicht mit em raiseplace und em verlust vo 250‘000 sfr
händ er ja sicher all mitbecho. egal, time goes by, no time to cry, würd de joe cocker
mit sinere whiskey-röhre astimme. rächt häsch joe!


zrugg zu dem buckelwal. ier chönd oi ja gar nöd vorstelle wie geil das isch, wänn so nes tonneschwers säugetier 3 meter id luft springt. han mies goisse nöd chönne verhebe und han fast id hose gseicht vor plausch. mer sind gschlageni 3 stund uf em wasser gsie und händ es paar wal gseh. au dere wo fast underem boot duregschwumme sind. fugging awesome chan ich oi säge. en traum isch war worde, dänn ich bin en grosse walfan. bin hüt no ganz ufgregt ab dere sach. free willy!!!!!!!

nach dere fahrt bin ich no zimmli am wanke gsie, drum hämmer gfunde mer müend ois chli eiche. mer händ de campingplatz agstüred und ier wüssed ja was dänn cho isch. nach dem prozedere, simmer dänn go schlafe. es hät immer no gschaukled wie wild, aber das isch agnehm gsie. han mich gfühlt wie es baby i de schaukle.
Slideshow Report as Spam

Use this image in your site

Copy and paste this html: