Die erst golfrundi
Trip Start
Aug 20, 2011
1
5
13
Trip End
Sep 12, 2011
What I did
gölfle
Borgarnes, Iceland
Thursday, August 25, 2011
es paar längene schwümme, in 40grad heisse hotpot sitze und nachher no es dampfbad neh, wo satt nach schwefel schmöckt. nöd grad jedem sini sach, aber das bringt eim nöd um, sondern härtet so richtisch. wikinger-style.
nach emene usfüerliche zmorge bin ich dänn richtig golfplatz. golfplätz häts en huufe in island und sie sind wunderschön id landschaft ibout. herrlich, wie gott in „frankreisch habe isch" gedacht und han mer e teetime reserviert. es isch mega mit dere ussicht, und mer chönd meine das mer würklich im herr der ringe land isch. lediglich de gandalf hät gfehlt mit sim zauber. ganz ellei bin ich gsie, zum guete glück. dänn ich han scho lang nümm bölleled, will ich ja vor es paar monet min arm broche han, und so isch mini rundi zimmli katastrophal usgfalle. lediglich min chip zum birdie underem baum am loch zwei wo direkt is loch gange isch, isch d'krönig gsie. de tiger woods het applaudiert…ich goissed vor freud.
nach dere rundi simmer dänn richtig stykisholmur gfahre wo mer tickets für d'fähre reserviert händ. dänn am nächste tag hämmer welle id westfjords fahre. wo mer oisi tickets gha händ, hämmer ois es plätzli gsuecht und sind nochli go fische. leider händ d’fisch nöd welle biesse, so häts halt was anders zum foode geh, nämmli chli fleesch. nachere fläsche faustino 1998 und es paar biersche simmer go mutze.
