Die erste täg

Trip Start Aug 20, 2011
1
2
13
Trip End Sep 12, 2011


Loading Map
Map your own trip!
Map Options
Show trip route
Hide lines
shadow
Where I stayed
dani's house
What I did
hangout

Flag of Iceland  , Southern Peninsula,
Monday, August 22, 2011

langsam han ich mich igläbt i dem land wo herr der ringe herchunnt. eigentlich händs de film ja welle da obe dreihe, aber s'wätter isch halt amigs so ne sach da obe. wämme frögt wie wirds wätter, seit eim de isländer: frög i foif minute nomal. drum isch de film dänn nöd da obe grolled worde. aber mer chönt meine mer seg in rohan oder gondor und die insle hät irgendwas magisches. da de dani en autofan isch, hät er en zimmli grosse chare mit no grössere redli drunder wo ich han dörfe bruche. scho no pompös wämme mit 38 zoll redli umebloched. mit dem ding bin ich dänn chli go cruise und d’gägend unsicher mache. de namitag isch schnäll erchlärt, chli hotpöttle und s’gäld wäxxle uf de bank. wieder öppis wo ganz anderscht isch da obe. wämme ine bank chunnt, sitz mer uf en holzstuehl und grad direkt bim banker am schriebtisch. wiet und breit keis dikks panzerglas. da gseht mer das island s’reisesicherste land isch uf de wält wo je häts gits…anderscht halt, wie ich oi ja scho mal gseit han. au gits da obe en kentucky schreit .icken, und d’pommes frites muemmer sälber würze. find ich no fräch, aber es „schmöckt", mängisch. je nach lust und luune vo de lüüt da obe.

wo ich dänn wieder i oisem huus gsie bin, chunnt en „notfall“ ine. en camper isch abgläge und er hät müese ustuscht werde. hilfsbereit wie ich bin, han ich mich gmolde und han so ne riese chiste mit 4mal4 atrieb müese in süde vo island fahre. e lokkeri sach häts gheisse. hm, cho isch es anderscht.

also höred:
guet, ich fahr mit dem ding uf de ringstrasse wo mer nur max 90 dörf bloche(r). also hät mer gnueg ziet die schön landschaft z'betrachte und e chli nahdänke was so gange isch und was no sött gah. guet wo ich uf halber strekki bin, gsehn ich plötzlich es zwergli mitem duume dobe. ich chan eifach nöd verbiefahre, will ich hilf halt gern, dänn ich weiss es chunnt alles uf eim zrugg. wies d’beyonce singt, what goes around, comes back around. ich han dänkt das isch irgend so nen isländer wo autostöppled. wo ich dänn aghalte han und das ding d’tür ufmacht, han ich gseh das es e hübschi dame isch. sie frögt mich uf änglisch öbs möglich isch no en friend mitzneh. ich scho dänkt dammisiech, hät die alt no en bokk debie. ich antwort mit, ja dänn halt. ier werdeds nöd glaube de friend isch nomal en super schuss gsie. dänn uf änglisch brucht mer d’wieblichkeitsform fascht nöd, drum han ich falsch dänkt gha. irtumm sprach der igel, und sprang von der bürste.

die zwei wiiber, sorry de usdruck lady’s, sind zimmli wild und mit em rucksack underwägs gsie. sie sind us em schöne boston und händ grads college hinder sich gha. die zwei hippies händ an glieche ort müese wie ich und sind ganz us em hüüsli gsie, wo ich ihne gseit han das mer an glieche ort müend. isch agnehm gsie, dänn es isch dunkel worde und mer hät nüt meh vo de landschaft gseh. so hämmer chli afah singe und über d’flowerpower-wält siniere. isch würklich lustig gsie, dänn die händ so ne kuuli usprach gha.“ awesome dude, thats cool, hilarious, oh my gosh und no way“ sind nur es paar usdrück gsie wos immer und immer und immmmmmmmmmmmer wieder brucht händ. han die grad is herz gschlosse und sie händ mega de plausch gha das ich ihre ängel gsie bin, wo sie fast vor s‘zält gfahre hät. (de guet hirt halt)

d’überaschig isch dänn cho wo mer döt gsie sind. dänn de garagischt wo mich hett sölle heifahre isch sauer gsie wills so lang gange isch und isch drum heigange. oke, cazo han ich dänkt. dänn ich bin am arsch vo de wält ohni schnapps und chruut und die zwei ladys nonig bi ihrem zält. ah ja grägned und gwinded häts au wie anton. zum guete glück isch de kaputt camper no döt gstande und ich han i dem chöne nächtige. aber so ellei häts mi dänn au agschisse. drum han ich die ladys gfröged öbs bi mier im camper wännd nächtige, dänn sie händ au nöd gwüsst wo de campingplatz gnau isch. so han ich sie überreded, dass bi mier im warme hüüsli penned. sie händ die iladig dankend agno. ier werded ets sicher dänke. ja ich han au dänkt und bin dänn mal loszottled um no es offnigs restaurant zfinde und e chli bier zchaufe. nach emene marsch vo zwei kilometer dur de wind und räge wo eim horizontal is gsicht brätscht hät, han ich es restaurant gfunde wo mer für tüürs gäld no zwei liter bier verchauft hät. ich han de chällner dänn no gfröged öb er d’firma ceylor kännt. er hät verneint, und ich han dänkt, janu chasch nöd immer günne, dänn ohni gits im minimum kein sprung i settige sache. so zottle ich wieder zrugg dur de sturm zum camper. wo ich det achumme gits e überraschig. nei sie sind nöd scho parat im näst gläge. dänn, han ja gseit sie seged hippies, fröged mich die öb mer chli wänd vom thor sim chrut rauche. ich glaubs mer hät mich vor freud bis is furttal ghört geusse. zimmli abgfahre gsie, dänn ich schmuggle ja nie, wänn ich flüge. so hämmer de camper zimmli vollequalmt und ich han enene biebracht de dreh vo thc in ocb. awesome dude!!!!!!!

gentlemen wie ich bin, han ich ihne das kingsize-bett geh und ich han uf em sofa unde pennt. hey und das isch d’wahrheit und nüt als d’warheit, dänn ich bin no nie notgeil gsie. so han ich zimmli guet pennt gha i dem ding ine, dänn es isch scho en luxus i soneme camper.
Slideshow Report as Spam

Use this image in your site

Copy and paste this html: