Last Weekend

Trip Start Jul 29, 2012
1
14
35
Trip End Sep 27, 2012


Loading Map
Map your own trip!
Map Options
Show trip route
Hide lines
shadow

Flag of United States  , Florida
Saturday, August 18, 2012

Nochdem mr am Fritig soooo spoot vo Key West zruggko sind, hani am Samschtig bis am 2 gschloofe...
Eigentlich hämmer wele nach Miami Beach fahre, aber mir sind alli so gschlucht gsy vom vorige Dag, dass mer entschlosse hän, dass mer doch nur do in Fort Lauderdale an Strand gön. Somit simmer richtig Strand uffbroche und sind no in Burgerfi go "Brunche"... und denn hets so richtig avo rägne. Dr Petrus het alles geh. D Strosse sind zum Teil denn bis zu 20cm unter Wasser gsy. Somit isch denn nüt me us Strand worde :(.
Aber do mir jo mit de Autos unterwägs gsy sind, hämmer jo no gnueg Uswichmöglichkeite gha. Denn simmer is Kino go Ice Age luege. Hehe.

Zoobe simmer denn no an Las Olas Boulevard go öbbis klins Ässe und en riiiise Margarita go dringge... mjammi :). Mir händ en nid e mol zu 2. möge :p.

Am Sunntig hämmer denn eigentlich nach Fort Myrs wele fahre. Aber will d Wättervorhersage nit so toll gsy sind füre Nomittag, und mir mind. 3h hätte miesse fahre, hämmer uns umentschlosse und sind an Lake Okeechobee gfahre, nach Clewiston. Dört ako isch denn aber alles total usgstorbe gsy und die vom KFC hän au gmeint, do kann me GAR NÜT mache ! :(
Dr See hämmer dört au nit gfunde, will die so komisch sind, und ume See en Kanal baut hän ... wiso macht me das?? hm
Zum Glügg hani uff mim Natel es neus Navi wo offline funktioniert und somit hämmer denn au e Stross gfunde, wo sogar uffe See usefiert. Dört ako, hämmer abr weder en riiisige See gseh, no hämmer wirkligg könne usefahre. I glaub, das het so biz zum Golfclub ghört und hesch nur mit dene Wägeli könne usefahre. Aber au womer entlang gloffe sind, hämmer nur en kleine Dümpel gseh... Trotzdem simer denn uff e kleins Wiiseli gläge am Ufer und hän uns dört biz usgruet. Aber will e soo vill Viecher ummegschwirrt sind, hämmers denn doch nit so lang usghalte und sind widdr zrugggfahre.
Diheim ako, hani denn mega Kopfweh gha und bin denn grad mol 3h go schloofe. Nocher bini an Pool gsässe und hän mol Zyt für mich gha. Wäge däm hets denn au so vill Iträg do in min Blog geh ;).
Slideshow Report as Spam

Comments

René on

Hey Angi
gib Sorg zu dir, es isch dr Hurrikan Isaak im Aamarsch! Hoff, du merksch nid viel dervo....
Uebigens: wie wärs mol mit e me blog-Itrag in Ängelisch ? :))

eynschy
eynschy on

Sisch kei Hurricane, sisch no en tropische Sturm. Aber er wird villicht no zu eim. Aber er goht in Golf. Uns betriffts nur so am Rande.
Aber d Amis mache es riiiise Gschiss druss. d Windgschwindigkeite sind im Momänt ca. 100km/h, und sy dien scho so, als ob aaaaalles schreg stoht und alles umgheit. Aber do isch halt alles e biz schlächter baut, und die Palme sind nit so widerstandfähig wie unseri Bäum ;).
Uff jedefall isch grote worde schön drinne zblybe. Aber do wirsch verruckt, will dr Färnseh all 10 min widdr mol en Ussetzer het ;p.

Add Comment

Use this image in your site

Copy and paste this html: